Shtohet interesimi për investime të huaja në Shqipëri

Fluksi i interesit dhe i kërkesave për të investuar në Shqipëri nga investimet e huaja është rritur ndjeshëm nga viti në vit

Në raportin krahasues të 5-mujorit të vitit 2013, me periudhën përkatëse të vitit 2012, të kryer nga Qendra e Studimeve të Konfindustrisë, është regjistruar një rritje deri në 2-3 herë i kërkesave nga bizneset e huaja për të investuar në Shqipëri, transmetojnë mediat e Tiranës.

Shkaqet e interesit në rritje të investimeve të huaja në Shqipëri janë plotësimi dhe mbyllja e tregjeve të vendeve të BE-së nga kriza financiare globale, joshja nga sistemi fiskal favorizues me taksa të ulëta, fuqia më e lirë e punës dhe rritja e tregut të Shqipërisë drejt Kosovës, Maqedonisë, Malit të Zi, etj.