Shtyhet për 2015 takimi PE-Shqipëri

Takimi është dashur të mbahet në Strasburg me datën 15 dhe 16 dhjetor, por është shtyrë për 2015 për shkak të fërkimeve pozitë-opozitë në Kuvendin e Shqipërisë

Komiteti i 8 i Stabilizim Asociimit ndërmjet Parlamentit të Evropës dhe Shqipërisë i  parashikuar për dhjetorit, është shtyrë për në pranverën e vitit të ardhshëm. Takimi është dashur të mbahet në Strasburg me datën 15 dhe 16 dhjetor, nuk do të mbahen për shkak të, siç thuhet, refleksioneve të brendshme pozitë-opozitë në Shqipëri.

Mësohet se Konferenca e Presidentëve në Parlamentin Evropian e ka hedhë poshtë kërkesën e palës shqiptare që mbledhja të zhvillohej në mes të dhjetorit.

Burime pranë Sekretariatit të Delegacionit i kanë thënë TCH se, “është e pazakontë që këto takime të mbahen në fillim të javës, ndaj nevojitej autorizimi i Konferencës së Kryetarëve të grupeve parlamentare”.

Kjo është hera e tretë që shtyhen takimet ndërparlamentare. Herën e kaluar takimi i shty për një vit, megjithëse MSA (në fuqi prej 2009) detyron palët që të mblidhen dy herë brenda vitit, për të shqyrtuar zhvillimet politike, ekonomiko-sociale, dhe nivelin e përshtatjes së praktikës evropiane.

“Në fokus të takimit përgatitor për Komitetin e 8 PE-Shqipëri ishte bojkoti parlamentar dhe seanca e 18 dhjetorit në Kuvend merr rëndësi edhe për shkak të shqetësimit të ngritur për humbjen e mandateve të deputetëve joaktivë të opozitës”, thuhet në raportin e medieve shqiptare.