Më shumë se 300 të vdekur nga tërmeti në Irak dhe Iran

Një tërmet i fuqishëm prej 7,2 ballësh ka goditur rajonin kufitar mes Iranit dhe Irakut, nga ku raportohen qindra viktima, përcjell albinfo.ch.

Epiqendra e tërmetit raportohet se ishte në thellësinë 34 kilometra në jug të qytetit irakian të Halabjas. Mediat shtetërore iraniane bënë me dije se rreth 300 persona kanë humbur jetën, kurse qindra të tjerë janë lënduar.

Ekipet e shpëtimit janë dërguar në zonat e prekura nga tërmeti, nga ku raportohet për dëme në të paktën tetë fshatra.

Tërmeti gjithashtu ka sjellë ndërprerjen e energjisë elektrike për shumë zona, ndërsa autoritetet po nxitojnë që të zbulojnë shkallën e vërtetë të dëmeve.

https://www.youtube.com/watch?v=qYIDfxha6IQ

Gjithashtu rreth 70 mijë persona kanë nevojë për strehim, derisa rreziku mbetet i madh nëse do të ketë edhe ndonjë tërmet tjetër.

https://www.youtube.com/watch?v=NOKpfGDLK5E