Shumica e gjermanëve janë kundër legalizimit të kanabisit

63 për qind e shtetasve gjermanë janë kundër legalizimit të marihuanës, sipas një sondazh nga Instituti Hulumtues “Forsa”. 34 për qind e gjermanëve besojnë se të rriturit duhet të jenë në gjendje të blejnë kanabis për përdorimin e tyre në dyqanet e specializuara, tregojnë rezultatet e anketës, shkruan “The Local”.

Në muajin janar, Bundestagu ka miratuar një ligj që zyrtarisht e bëri marihuanën ligjore për qëllime mjekësore, pra, për ata që vuajnë nga sëmundje të rënda, përcjell albinfo.ch.

Përpara se të miratohej ky ligj, disa njerëz kishin aplikuar për t’u dhënë leje për të konsumuar drogën, nëse ishin në kushte të rënda mjekësore. Por, vetëm 1000 iu është dhënë leja.

Sipas anketës, 70 përqind e grave janë kundër legalizimit të drogës, derisa 56 % e meshkujve ishin kundër.