Shumica nga viktimat janë të rinj

Sipas drejtoreshës së spitalit të Koçanit personat e vdekur janë nga mosha 14-24 vjeçare

Drejtoresha e spitalit të Koçanit, Kristina Serafimova, në deklaratën e saj të parë për mediat njoftoi se në këtë spital po trajtohen rreth 20 pacientë me lëndime më të lehta, ndërsa të lënduarit që janë në gjendje më të rëndë janë dërguar në Klinikat e Shtipit dhe Shkupit.

Serafimova sqaroi se një numër i madh i viktimave kishin ndërruar jetë në vendngjarje, por disa prej tyre kishin vdekur sapo kishin mbërritur në spital.

Sipas drejtoreshës së spitalit të Koçanit, personat e vdekur janë nga mosha 14-24 vjeçare.

Janë identifikuar për momentin vetëm ata që kanë pasur me vete letërnjoftime.

Personat që po trajtohen në spitale kanë pësuar djegie dhe janë helmuar nga tymi i zjarrit.

---