Simulon vdekjen për të vënë në sprovë të dashurën

E kurdisi ashtu punën që e dashura e tij të mbërrinte në momentin e duhur për tu bërë dëshmitare e gjallë e “ndeshjes së tmershme"

Një rus i pasur kishte planifikuar të martohej me mikeshën e tij por para kësaj, dëshironte të vente në provë dashirinë e saj ndaj tij. Për të bërë këtë ai mendoi një plan mjaft të përçudshëm: inskenoi vdekjen e tij në një aksident. Rusi Alexey Bykow nuk kurseu paratë as përpjekjet për t`i përgatitur të dashurës befasinë e tmershme. Ai kishte angazhuar një stuntman (kaskader) , një artist maskash, një skenarist dhe një regjisor për të inskenuar një aksident që të dukej si i vërtetë.

Ai e kurdisi ashtu punën që e dashura e tij Irina Kolokow të mbërrinte në momentin e duhur në vendin ku “do të ndodhte” aksidenti për tu bërë dëshmitare e gjallë e “ndeshjes së tmershme”.

“E pashë Alexeyn të larë në gjak që ishte shtrirë në rrugë. Një mjek më tha se ai kishte vdekur dhe unë shpërtheva në lot”, ka treguar për mediet e mashtruara atë që kishte parë. Pikërisht këtë efekt kishte dashur ta realizonte Alexey: “ta bënja Irinën të kuptonte se sa e zbrazët do të ishte jeta pa mua”.

Bykow nuk e kishte lënë gjatë Irinën të vajtonte. Ai ishte ngritur “së vdekurish” dhe ia kishte bërë asaj lutjen për martesë. Kjo e fundit ishte aq e mllefosur me mashtrimin dhe tronditjen e pësuar sa që më me dëshirë do ta nbyste, kësaj radhe pa simulim, të dashurin. Por, megjithatë kishte zbutur qëndrimin dhe i kishte thënë “Po” Alexeyt. Ndërsa ky i kishte premtuar se nuk do të vinte më dashurinë e saj në prova të tilla të rrezikshme dhe të kushtueshme.