Trump: Irani, përgjegjës për sulmin ndaj Ambasadës Amerikane në Irak

Keystone (AP Photo/Paul Sancya)

Presidenti i Shteteve të Bashkuara, Donald Trump, thotë se ai e mban Teheranin “plotësisht përgjegjës” për protestuesit që sulmuan kompleksin e Ambasadës Amerikane në Bagdad.

“Irani vrau një kontraktues amerikan, përderisa la të plagosur shumë të tjerë. Ne u përgjigjën fuqishëm dhe gjithmonë do të bëjmë kështu. Tani Irani po orkestron një sulm ndaj Ambasadës Amerikane në Irak. Ata do të mbahen plotësisht përgjegjës”, shkroi ai në Twitter.

Trump shtoi se pret mbrojtje nga forcat irakiane.

“Përveç kësaj, ne presim që Iraku të përdorë forcat e tij për ta mbrojtur Ambasadën, siç edhe janë të njoftuar!”

Prostestat dhe sulmet ndaj kompleksit të Ambasadës Amerikane në Irak vijnë pas sulmit të SHBA-së ndaj milicisë irakiane, të mbështetur nga Irani.

SHBA-ja kreu sulmet në Irak dhe Siri si kundërpërgjigje ndaj një sulmi, për të cilin po e fajëson Iranin, në një bazë ushtarake irakiane në Kirkë, ku mbeti i vdekur një kontraktues civil amerikan.