Sistemi bankar tejet stabil

Gjatë vitit 2014 sektori bankar ka shënuar një përmirësim të theksuar të performancës financiare duke regjistruar profit neto në vlerë 60.1 milionë euro

Sistemi bankar në Republikën e Kosovës vazhdon të jetë shumë stabil, krahasuar me disa vende në rajon. Këtë stabilitet e vërteton edhe përfitimet vjetore që kanë shënuar bankat komerciale kosovare, të cilat në vitin 2014 kanë inkasuar më shuamë se 60 milionë euro përfitime.

Ky profit është bërë në vitin elektoral, ku të gjitha partitë politike ishin pajtuar që normat e larta të interesit për kredi kanë qenë një nga faktorët që e kanë stopuar zhvillimin e sektorit privat, shkruan “Koha Ditore”.

Ky profit i bankave komerciale është bërë në kurriz të kursimtarëve të Kosovës. Personat që kanë depozita në banka viteve të kaluara kanë përfituar një normë të lartë të interesit.

Kjo normë ka rënë dukshëm viteve të fundit.

“Gjatë vitit 2014 sektori bankar ka shënuar një përmirësim të theksuar të performancës financiare duke regjistruar profit neto në vlerë prej 60.1 milionë eurosh, kryesisht si rezultat i reduktimit të shpenzimeve, veçanërisht atyre për provizione dhe shpenzimeve të interesit në depozita”, thuhet në raportin e stabilitetit financiar të BQK-së.