S’ka bisedime pa zbatim marrëveshjesh

Prishtina nuk do të hyj në bisedime me Beogradin derisa marrëveshjet e vitit të kaluara nuk zbatohen

Qeveria e Kosovës nuk është në gjendje që të hyj edhe njëherë në negociata me Beogradin derisa nuk imlementohen shtatë marrëveshjet e arritura më herët. Madje përfaqësues të institucioneve në Prishtinë thonë se edhe ndërmjetësit Robert Cooper do t’i thuhet “s’ka negociata të reja”. Të paktën kështu shkruan sot e përditshmja “Zëri” e cila citon burimet e veta brenda qeverisë Thaçi. Ky reagim Prishtinës zyrtare vjen dy ditë para se Robert Cooper, përfaqësues i Catherine Ashton, t’i vizitojë Prishtinën dhe Beogradin, në përpjekje për t’i rinisë negociatat ndërmjet dy vendeve. Madje i ashtuquajturi “lehtësues” i dialogut nuk do të pritet as nga kryeministri Hashim Thaçi, i cili të enjten ka parashikuar një vizitë në Bullgari. Ndërkaq zyrtarët evropianë në Bruksel nuk e marrin si diçka tragjike që Thaçi nuk e takon “lehtësuesin”e dialogut. Ata thonë se edhe herëve të tjera Cooper nuk është takuar gjithmonë me kryeministrin e Kosovës. Qeveria e Kosovës, ndërkaq ka deklaruar se nuk do të hyj në bisedime të tjera derisa marrëveshjet e bisedimeve të vitit të kaluara nuk janë zbatuar. Edhe Prishtina edhe Brukseli kanë akuzuar qeverinë e Serbisë për mosimplementim të qëllimshme të marrëveshjeve. Gjatë dialogut 12 muajsh, janë arritur shtatë marrëveshje, prej të cilave vetëm njëra konsiderohet si e zbatueshme, një tjetër pjesërisht dhe pesë të tjera nuk janë zbatuar