Sondazh: Cilat janë marketet më të preferuara për zviceranët

pixabay

Shumica e konsumatorëve zviceranë favorizojnë Migros-in para Coop-it dhe zinxhirëve të tjerë shitës.

Një sondazh i fundit i kryer nga Tamedia, grupi më i madh mediatik i Zvicrës, zbulon se shumica e të anketuarve (41 për qind), preferojnë të blejnë në Migros, ndërsa vetëm 28 për qind favorizojnë konkurrentin e saj kryesor, Coop, përcjell albinfo.ch.

Të dy kanë pjesën më të madhe të tregut të Zvicrës, me supermarketet buxhetore Lidl dhe Aldi që marrin respektivisht vetëm 9 dhe 7 për qind të votave.

Sidoqoftë, është interesante që anketa tregon se epërsia e Migros-it ndaj Coop-it ngushtohet ndjeshëm me nivelin e edukimit të konsumatorëve.

Njerëzit që kanë përfunduar vetëm arsimin e detyrueshëm favorizojnë kryesisht Migros-in mbi Coop-in (37 kundrejt 21 për qind).

Nga ana tjetër, të dy grupet janë pothuajse të barabarta midis të diplomuarve në universitete dhe institucione të tjera të arsimit të lartë, me vetëm një epërsi prej 2 për qind për Migros.