Sot dorëzohet në Zvicër peticioni kundër rastit „Monstra“

Më 18 dhjetor do t’i dorëzohet në Bernë, Elie Burgos, zyrtar për të drejtat politike në Kancelarinë Federale në Zvicër peticioni me nënshkrime për rastin „Mostra“

Me këtë peticion do të këkohet nga Zvicra edhe riorganizimi i politikës së jashtme ndaj Republikës së Maqedonisë.

Këshilli Organizativ për rastin “Monstra” në Zvicër ka lansuar një peticion, i cili do t‘i dorëzohet Qeverisë Federale të Konfederatës së Zvicrës me qëllim që Ministria e Jashtme  përkatësisht  ministrit Didier Burkhalter, i cili është edhe kryesuesi i OSBEsë, që të fillon një hulumtim nga ana e OSBEsë për procesin gjyqësorë të rastit “Monstra” në Maqedoni.

« Të mbështetur në nenin 33 të Kushtetutës Federale, ne përveç kërkesës kryesore për rastin “Monstra”, kërkojmë nga institucionet federale një sqarim rreth finansimit të projektit.

“Shkupi 2014” dhe tërheqjen të çfarëdo mjeti financiarë që vjen nga Konfederata Zvicerane dhe bllokimin e çfarëdo përkrahjeje financiare për projekte të ardhshme, nëse mjetet financiare dhe projekti nuk u shërben të gjithë qytetarëve të Republikës së Maqedonisë », thuhet në një njoftim të Këshillit Organizativ.

Deri tani organizatorët kanë grumbulluar rreth 800 nënshkrime dhe presin   të mbërrijnë shifrën me mbi 1000 nënshkrues.

“Kancelaria federale pas një verifikimi të peticionit tonë është shprehur e gastshme të bëjë pranimin e peticionit në datën dhe kohën të lartëpërmendura”, thuhet në njoftim.

Organizatorët I bëjnë thirrje qytetarëve brenda dha jashtë Zvicrës që të nënshkruajnë peticionin në faqen: www.qytetariaktiv.com.