Sot, finalja e madhe e Ligës së Kampionëve, Man City – Inter

screenshot

Bëhet e ditur se sot, me fillim nga ora 21:00 stadiumi “Ataturk Olympic” do të jetë nikoqir i finales së Ligës së Kampionëve mes Manchester Cityt dhe Interit, përcjell albinfo.ch.

Pasi që u shpall kampion i Premier Ligës dhe e fitoi trofeun e FA Cup, Manchester City synon triumfin në Ligën e Kampionëve që ta kompletojë tripletën.

Në anën tjetër, Interi arriti ta fitojë tripletën në vitin 2010, ndërsa sot e kërkon trofeun e garës më prestigjioze evropiane për të katërtën herë në historinë e klubit.

Për ta siguruar finalen, në gjysmëfinale, Interi e eliminoi Milanin me rezultat të përgjithshëm 3:0, kurse City e eliminoi Real Madridin, duke e mposhtur brenda dy ndeshjeve 5:1.

Trajneri i Interit, Simone Inzaghi është i vetëdijshëm për cilësinë e kundërshtarit që e ka përballë sot, por ka insistuar se e bukura e futbollit është që skuadra favorite nuk fiton gjithmonë.

Fakt interesant është që të tri finalet e fundit të kësaj gare u vendosën nga një gol mes minutës së 40’ dhe të 60’.

21:00 – Manchester City – Inter (Stadiumi Ataturk Olympic)