Spasovski: Nuk dorëhiqem, fajtore për moskapjen e Gruveskit është gjykata

Ministri i Punëve të Brendshme i Maqedonisë, Oliver Spasovski, është shprehur i bindur se fajtor për mosarrestimin e ish-kryeministrit të dënuar, Nikolla Gruevski, është gjykata, e jo dikasteri që ai e udhëheq.

Për këtë ai ka thënë se nuk e ka ndërmend të ofrojë dorëheqjen.

Spasovski ka thënë se gjykata është dashur që para shpalljes së vendimit t’ia caktonte masën e paraburgimit ish-kryeministrit.

“Unë mendoj për përgjegjësinë e atyre që nuk përcaktojnë paraburgim për ata që mund të ikin. Imagjinoni, jepet paraburgim për vjedhje të rëndë, ndërsa për vepra të rënda penale nuk ka paraburgim. Policia punon me urdhër të gjykatës. Ekzistojnë masa të sigurisë, dhe ato vijnë nga gjykata. Ne do të marrim informacione, do ta kapim këtë person. Nuk bëhet fjalë vetëm për Gruevskin, por për të gjithë personat”, ka theksuar ai.