Sri Lankë: Qeveria kishte informacion mbi sulmet

Ministrat e Sri Lankës mbajtën një konferencë shtypi të hënën, pasi numri i të vdekurve pas një varg sulmesh me bomba që synonin kishat dhe hotelet në Sri Lanka të dielën e Pashkëve u rrit në 290, me të paktën 500 të plagosur, përcjell albinfo.ch.

Autoritetet kishin paralajmëruar dy javë përpara sulmit dhe kishin emrat e sulmuesve, por ky informacion nuk u nda me kryeministrin, tha ministri i Shëndetësisë, Rajitha Senaratne, për gazetarët.

“Më 4 prill, 14 ditë para se këto incidente të ndodhin, ne ishim informuar për këto incidente”, tha ai, përcjell albinfo.ch.

Presidenti Maithripala Sirisina është përgjegjës për sigurinë kombëtare dhe inteligjencën, por tensionet ndërmjet tij dhe kryeministrit Ranil Wickremesinghe janë të larta.

“Më 9 prill shefi i inteligjencës kombëtare shkroi një letër dhe në këtë letër, shumë prej emrave të anëtarëve të organizatës terroriste u shkruan”, tha Senaratne gjatë konferencës për shtyp në Tempullin e Pemëve vendbanimin zyrtar të Kryeministri, përcjell albinfo.ch.

“Kryeministri nuk u informua nga këto letra“, shtoi ai.

“Ne nuk po përpiqemi t’i shmangemi përgjegjësisë, por këto janë faktet. Ishim të befasuar të shihnim këto raporte”.

Qeveria nuk besonte se sulmet u kryen nga “një grup njerëzish të cilët ishin të mbyllur në këtë vend”, sipas Senaratne.