Suedia largon Zvicrën nga lista e shteteve me “rrezikshmëri” të lartë

Keystone (Fredrik Sandberg/TT News Agency via AP)

Suedia ka marrë vendim që të heqë rekomandimin e saj që qytetarët të mos udhëtojnë në Zvicër, vetëm dy javë pas dhënies së këshillës “për arsye politike”.

Suedia më 15 korrik këshilloi qytetarët e saj të mos udhëtojnë për në Zvicër. Më 29 korrik Suedia tërhoqi urdhrin.

Një përfaqësues i qeverisë konfirmoi për mediat zvicerane në mes të korrikut se masa ishte një hakmarrje politike për karantinën e detyrueshme të Zvicrës për mbërritjet nga Suedia.

Zvicra njoftoi një karantinë për mbërritjet nga vendet me rrezik të lartë nga 6 korriku e tutje, me Suedinë të futur në listë për shkak të shkallës së lartë të infeksionit, shkruan swissinfo.ch, përcjell albinfo.ch.