Suedia mbështet agjendën evropiane të Kosovës

Çështja e Liberalizimit të Vizave është në rrugën e duhur dhe besoj që shumë shpejtë do të arrijmë tek kjo zgjidhje, deklaroi ministrja suedeze, Ohlsson

Ministrja për Çështje Evropiane e Qeverisë Suedeze, Birgitta Ohlsson u shpreh e kënaqur me punën që kanë bërë institucionet e Kosovës për çështjen e liberalizimit të vizave dhe për Marrëveshjen për Stabilizim Asociiim. Ajo tha se Qeveria e Suedisë do të ndihmojë në vijimësi integrimin e Kosovës.  

Këto komente ministrja suedeze i bërë pas një takimi që zhvilloi në Prishtinë me ministren kosovare të Integrimit Evropian, Vlora Çitaku. Kjo e fundit nënvizoj rëndësinë që ka MSA-ja për Kosovën, si mjet i ankorimit të rrugës Evropiane të Kosovës dhe inventive e qëndrueshme reformatore.

Sa i përket liberalizimit të vizave, ministrja Çitaku njoftoj ministren Ohlsson për gjendjen e përmbushjes së udhërrëfyesit për liberalizimin e vizave, miratimin e Planit të Veprimit për Liberalizim të Vizave dhe punën e vazhdueshme të institucioneve në këtë drejtim.

Ministrja Çitaku potencoi rëndësinë dhe impaktin e drejtpërdrejt që ka procesi i liberalizimit të vizave në jetën e përditshme të qytetarëve të Kosovës, duke kërkuar gjithashtu që Kosova të vlerësohet strikt dhe korrekt në këtë proces.