Një person ka sulmuar me thikë dy gra në Stacionin Hekurudhor të qytetit Marsej, në Francë. Të dy gratë e goditura kanë vdekur nga plagët e marra, njofton policia e vendit, shrkuajnë medeiat botërore duke iu referuar atyre franceze.

Ushtarët e njësisë speciale antiterroriste “Sentinelle” të cilët patrullojnë nëpër stacionet kryesore në Francë, kanë shtënë menjëherë mbi sulmuesin, duke e vrarë atë.

Prokuroria Shtetërore e Parisit, e cila është përgjegjëse për hetimin e të gjitha rasteve të terrorizmit për gjithë Francën ka marrë përsipër hetimet edhe për sulmin më të ri. Ajo po zhvillon hetime lidhur me sulmin që ka lidhje me synime terroriste të sulmuesit. Mediat kanë përcjellë se perosni në fjalë, pasi ka bërë sulmin, ka bërtitur “Allahu Agbar” .