Supermarketet zvicerane bojkotojnë kompaninë amerikane shkaku i rritjes së çmimeve

(KEYSTONE/Christian Beutler)

Migros dhe Coop po eliminojnë nga asortimenti i tyre disa ushqime të prodhuara nga Mars, një prodhues amerikan që zotëron disa marka, përcjell albinfo.ch.

Dy shitësit zviceranë thanë se vendosën të mos shesin më produkte të caktuara të Marsit, sepse kompania ka “imponuar kërkesa mbi mesataren dhe joproporcionale” në lidhje me çmimet.

Ndër ushqimet që nuk do të shiten më – nëse nuk arrihet një marrëveshje e re çmimi me prodhuesin – janë disa varietete të orizit të Uncle Ben-it dhe drithërave Balisto, ndërsa ëmbëlsirat me çokollatë Mars të kompanisë do të mbeten në rafte.