Supozohet se Putini po fsheh familjen në Zvicër

Presidenti rus, Vladimir Putin po fsheh katër fëmijët dhe një të dashur në shtetin zviceranë.

Lufta mes Rusisë dhe Ukrainës, trazirat e shkaktuara mes këtyre dy shteteve, ka bërë që presidentit rus të strehojë familjen në një vend të sigurt dhe të qetë.

E siguria më e madhe thuhet se është në Zvicër, shteti më neutral i botës, transmeton albinfo.ch.

Raportohet se presidenti rus, Vladimir Putin, po i fsheh katër fëmijët dhe një të dashur në shtetin zviceran.

Platforma shumë e njohur mediale amerikane “Page Six” shkruan se dy nga fëmijët e presidentti rus janë lindur në Tiçino, transmeton tutje albinfo.ch.

Referuar kësaj medie, presidenti rus thuhet se po fsheh të dashurën e tij, Alina Kabaeva, (38 vjeçe) dhe fëmijët e tyre në Zvicër.

Tutje, sipas raportit, thuhet se gjimnastja ritmike është “duke qëndruar në një shtëpi shumë private dhe shumë të sigurt diku në Zvicër” me katër fëmijët e tyre.

Thuhet se familja sekrete e Putinit po qëndron në një “shtëpi të sigurisë së lartë”, në shtetin e Zvicrës, duke mos e bërë publike vendin saktësisht.

Ndërkohë pas disa hulumtimeve, kjo media shkruan se një pistë të çon në Tiçino, më saktë “afër Luganos”. Sipas raportit, “dy vajzat binjake” lindën atje në shkurt të vitit 2015. Sipas burimit, Putini dhe Kabaeva kanë gjithsej katër fëmijë së bashku, dy vajza binjake dhe dy djem. “Fëmijët të gjithë kanë pasaporta zvicerane dhe unë mund ta imagjinoj se ajo gjithashtu ka një pasaportë zvicerane”, citon “Page Six”, transmeton albinfo.ch.

Vlen të theksohet se presidenti rus ka dy vajza të rritura nga martesa e tij e mëparshme me ish-stjuardesën Lyudmila Shkrebneva (64 vjeçe).

Nga ana tjetër, gruaja e dytë e tij, Kabaeva, gjimnastet ritmike që ka fituar dy medalje olimpike, 14 medalje në Kampionatin Botëror dhe madje 21 medalje në Kampionatin Europian. /Albinfo.ch

---