Sveçla: Organet e sigurisë të dëshmojnë në ka qenë djali i Vuçiqit organizator i sulmit terrorist

Xhelal Svecla, FB

Ministri i Punëve të Brendshme i Kosovës, Xhelal Sveçla, ka publikuar dokumentet personale të një personi të nacionaliteti serb që, sipas tij, është i dyshuar për pjesëmarrje në sulmin terrorist në Banjskë të komunës së Zveçanit, ku mbeti i vrarë rreshteri Afrim Bunjaku.

Sveçla shton se Milorad Jevtiç është bashkëpunëtor i Danilo Vuçiq, djalit të presidentit të Serbisë, Aleksandar Vuçiq.

“Në vendin e ngjarjes ku ka ndodhur sulmi, njësitet policore kanë gjetur dokumentin personal dhe veturën e Milorad Jevtic, gjë që dëshmon se ai ka qenë në njësitin që kanë sulmuar Policinë e Kosovës. Terroristi Milorad Jevtic njihet si një ndër bashkëpunëtorët më të afërt të Danilo Vuciq, djalit të presidentit serb, Aleksandar Vuçiq. Nga 5 vizitat e fundit të djalit të Vuciqit në Kosovë, 4 herë ata kanë qenë bashkë në të njëjtën veturë. Milorad Jevtiq është identifikuar edhe si njëri ndër sulmuesit e ushtarëve të KFOR-it më 29 maj në Zveçan”, shkruan Sveçla, përcjell albinfo.ch.

Ai shton se tashmë organet e sigurisë dhe hetimet të zbulojnë se përveç Vuçiqit dhe strukturave të larta shtetërore serbe , “a ka qenë edhe djali i tij në planifikimin dhe organizimin e sulmit terrorist në Banjskë të Zveçanit”, përcjell albinfo.ch.