Sveçla publikon pamjet e makinës në Leposaviq që iu vendos eksploziv, akuzon Serbinë për terrorizëm

Publikon videon e veturës nën të cilën u vendos mjeti shpërthyes në Leposaviq, Sveçla: Vendosjes së eksplozivit i ka kaluar koha

Ministri i Punëve të Brendshme në Kosovë, Xhelal Sveçla, ka publikuar pamje të një makine në Leposaviq nën të cilën ishte vendosur sot një mjet i pashpërthyer, përcjell albinfo.ch.

Këtë akt, Sveçla e ka cilësuar si tendencë të Serbisë për kontrollin e pjesëtarëve të komunitetit serb në Kosovë.

Ai pohon se “kërcënimeve, djegies së pronave, vendosjes së eksplozivit dhe rrezikimit të jetës por dhe shtypjes së atyre që mendojnë drejtë e ndryshe, i ka kaluar koha”.

Sveçla deklaron se “zërat kundërshtarë në radhët e komunitetit po shtohen çdo ditë, për të çliruar qytetarët nga gangsterët dhe kuazi politikanët pro Serbi”.

“Kur Serbia humbet betejat politike, në mungesë argumentesh kthehet te retorika luftnxitëse dhe aktet e dhunës deri në terrorizëm”, shkruan Sveçla.

---