“Swedish Nomad” ofron fjalët që turistët duhet t’i dinë në Shqipëri

Sipas tij, shqipja flitet nga 7.6 milionë banorë, ka katër dialekte, gegë, toskë, arbëreshe dhe arvanitase, është gjuhë e vështirë për ta mësuar, si dhe është zyrtare në Kosovë e Shqipëri

 

Faqja ‘swedishnomad’ është e njohur për shkrimet e ndryshime turistike rreth botës. Blogeri Alexander Waltner ka shkruar shumë edhe për bukuritë shqiptare dhe pse duhet të vizitohet Shqipëria, por edhe Prizreni e qytete tjera historike.

 

Kësaj radhe kjo faqe ka ofruar edhe një fjalor për turistët e huaj që duhet të dinë sa të jenë në Shqipëri, përcjell albinfo.ch.

 

“Jo shumë turistë e dinë gjuhën shqipe dhe nëse flitni ndonjë fjalë atëherë do të keni më lehtë. Gjithmonë është mirë të flasësh me vendorë dhe ja disa fjalë që mund t’iu interesojnë”, shkruan kjo faqe.

 

Në këtë listë fillimisht janë fjalët si tungjatjeta, mirëmëngjesi, mirëdita apo ditën e mirë, duke vazhduar më pas si jeni, si po kaloni, a mund të më ndihmoni e kështu me radhë.

 

Më pas janë edhe fjalët për ushqim, pije, vende e drejtime, si dhe numrat në gjuhën shqipe.

 

Ai ofron edhe disa fakte për gjuhën shqipe si flitet nga 7.6 milionë banorë, ka katër dialekte, gegë, toskë, arbëreshe dhe arvanitase, është gjuhë e vështirë për ta mësuar, si dhe është zyrtare në Kosovë e Shqipëri.

 

Ja edhe linku ku mund të gjeni fjalët e rekomanduara:

 

https://www.swedishnomad.com/useful-albanian-phrases-and-words/

---