Swisscoy ka nevojë për më tepër specialistë

Ka mungesë mjekësh, informaticientësh ose profesionistësh të mekanikës. Këto profile mungojnë pasi që ato edhe në ekonominë private janë shumë të kërkuara

Misioni zviceran në Kosovë, me kalimin e kohës merr gjithnjë më shumë karakter të ndihmës autoriteteve kosovare　 dhe më pak karakter paqeruajtës. Ndërkohë që ushtarë ka në numër të mjaftueshëm, për të kryer këtë funksion, atij i nevojiten më tepër ekspertë të fushave të caktuara.

Trajnimi për kontingjentin e radhës të Swisscoy-t fillon në korrik. Sipas shefit të personelit në Swissint, Georg Felix aktualisht janë 50 deri në 200 vende të lira, shkruan srf.ch. Ushtarë që duan të bëjnë shërbimin e tre në Kosovë ka në numër të mjaftueshëm, por problem paraqet rekrutimi i specialistëve, thotë ai.

Kështu, në Swisscoy ka mungesë mjekësh, informaticientësh ose profesionistë shtë mekanikës. Këto profile mungojnë pasi që ato edhe në ekonominë private janë shumë të kërkuara, sqaron Felix. Kjo ndodh, sipas tij për faktin se në fokus të misionit gjithnjë më shumë　 është mbështetja e autoriteteve kosovare dhe gjithnjë më pak sigurimi i paqes në vend.

Megjithëkëtë, Felix shprehet optimist se deri në korrik do të sigurohen edhe ekspertët e nevojshëm. Në disa raste ndodh që edhe kontratat ekzistuese me specialistë të zgjaten dhe veç kësaj, ushtria e ka shtuar dukshëm buxhetin për rekrutimin e trupave të Swisscoy-t.