Përmes një postimi në rrjetin social Twitter, Lajçak tha se pavarësisht që gjatë verës kishte një paqe në Ballkan dhe Bruksel, sfidat nuk u zhdukën, shkruan albinfo.ch.

Sipas tij, situata në veri të Kosovës mbetet shumë lart në agjendën e tij.

”Për t’u përgatitur për muajt e ardhshëm dhe për të forcuar më tej përpjekjet tona të përbashkëta mbi dialogun, ftova zëvendësndihmës Sekretarin amerikan të Shtetit, Gabriel Escobar, në Bruksel për diskutime të thelluara dhe takime koordinuese. Së bashku me ekipet tona diskutuam në detaje çështjet që lidhen me dialogun, ndamë vlerësime për situatën aktuale, si dhe për zhvillimet e muajve të fundit dhe pritshmëritë për periudhën e ardhshme”, ka shkruar ai.

Tutje ai njoftoi për takimet e radhës, ku përfshihen kryeministri i Kosovës, Albin Kurti dhe presidenti serb, Aleksandër Vuçiq.

“Do të udhëtoj për në Alpbach, Bled dhe Beograd, ku do të takohem me kryeministrin Kurti dhe presidentin Vuçiq, por edhe me një numër partnerësh, miqsh dhe ekspertësh për Ballkanin Perëndimor”, ka thënë ai.