Tani pagat duhet të rriten në Zvicër!

Kursi i këmbimit të euros kundrejt frangut ka arritur kufirin magjik prej 1.20. Sindikatat duan deri 2.5 për qind më shumë paga. Punëdhënësit refuzojnë.

Eksportuesit zviceranë dhe ekspertët e turizmit po marrin frymë: frangu është përsëri po aq i dobët sa ishte tre vjet më parë. Turizmi zviceran pret më shumë mysafirë nga eurozona, industria pret më shumë eksporte.

Sindikatat po bëjnë thirrje që pagat të rriten përsëri së shpejti, raporton gazeta “SonntagsZeitung”. Situata e vështirë e kursit të këmbimit ishte argumenti më i rëndësishëm, prandaj nuk ka pasur rritje të pagave në vitet e fundit.

“Tani kemi të njëjtën kurs si përpara, kështu që ky argument nuk vlen më”, thotë Gabriel Fischer nga «Travail Suisse». Në vjeshtë ai do të kërkojë një “rund të duhur pagash” me rritje prej të paktën 2.5 për qind, shkruan albinfo.ch.

Negociatat e ashpra janë të pashmangshme. Sepse, sipas presidentit të punëdhënësve, Valentin Vogt, ka ende një diferencë të investimeve në shumë kompani. “Vetëm kur kjo të hiqet, pagat mund të rriten përsëri”. Këtë vit, pagat ndoshta do të ngecin.

Sidoqoftë, në disa sektorë, punonjësit mund të presin paga më të larta. Në sektorin e IT, për shembull, pagat pritet të rriten me 1.53 për qind sipas gazetës “SonntagsZeitung” dhe nga 1.34 për qind në industrinë farmaceutike. Situata është e ndryshme për punonjësit e prodhimit, arsimit dhe kujdesin shëndetësor ose administrata: pagat e tyre rriten me më pak se 1 për qind.