Të rinjtë nga Kosova takojnë ata të diasporës

Tryeza: “Bashkëpunimi i organizatave rinore që veprojnë në Kosovë me të rinjtë që jetojnë në diasporë”

Në kuadër të aktiviteteve “Ditët e Diasporës 2012”, sot në Lipjan, Ministria e Diasporës, në bashkëpunim me OJQ-në “Këshilli Qendror i Veprimit Rinor i Kosovës”, e mbajti tryezën me të rinjtë nga diaspora, me temën:“Bashkëpunimi i organizatave rinore që veprojnë në Kosovë me të rinjtë që jetojnë në diasporë“. Pas një prezantimi të përgjithshëm të aktiviteteve nga zyrtarë të Ministrisë së Diasporës, tryeza më shumë iu kushtua përvojave të të rinjve nga diaspora, aktiviteteve që këto ditë po i zhvillojnë në vendlindje dhe në vendet ku jetojnë aktualisht.

Të rinjtë e diasporës treguan për klubet, në të cilat angazhohen, për ato më aktivet, si: klubet e vallëzimit, futbollit, etj., por, sipas tyre, mungojnë aktivitetet arsimore që do t’ua mësonin gjuhën shqipe, historinë e popullit shqiptar etj.