Telefoni e shpëton prej kidnapimit

Keystone (AP Photo/Eric Risberg)

Një femër 19-vjeçare thotë se ishte rrëmbyer në Belgjikë, por kishte shpëtuar pasi kishte gjetur lokacionin e vet përmes aplikacioneve në telefon të mençur si dhe duke ndarë këto të dhëna me vëllanë e saj.

Studentja ka thënë se ishte kidnapuar nga pesë burra para një klubi të natës në Bruksel dhe ishte mbajtur e mbyllur në një banesë afër qytetit të Charleroit për tre ditë.

Dy të dyshuar janë arrestuar, ndërsa akuzohen për kidnapim dhe përdhunim. Ata kanë mohuar akuzat, shkruan BBC.

Gruaja raportohet se kishte arritur të kapte telefoni dhe të lokalizonte veten përmes “Google Maps”. Ajo arriti t’i dërgojë adresën vëllait të saj, i cili më pas njoftoi policinë, transmeton Albinfo.ch.

Të hënën, policia gjeti dy burrat në banesë. Hetimi për tre të tjerët po vazhdon.