Tërmet nuk ndalen as gjatë natës në Shqipëri

Edhe dy tërmete gjatë natës në Shqipëri. E para me magnitudë 4.1, ndërsa e dyta me magnitudë 3.1

Lëkundjet e tërmetit kanë vijuar edhe përgjatë natës në Shqipëri.

Pas panikut dhe shqetësimeve të shkaktuara thuajse gjatë të gjithë ditës së mërkurë, prej orës 11:02 minuta kur u ndie edhe lëkundja më e fortë, dy të tjera kanë rënë gjatë mesnatës, në orën 4:09 dhe 6:20, shkruan Top Channel.

E para me magnitudë 4.1, duke qenë pak më e lehtë sesa ajo e paradites së një dite më parë, ndërsa e dyta me magnitudë 3.1, thuajse e pandjeshme. Një tjetër lëkundje është regjistruar në detin Adriatik në orën 2:48 pas mesnate, me magnitudë 3.3, përcjell abinfo.ch.

Por, që të gjitha këto lëkundje nuk kanë shkaktuar dëme materiale, për dallim nga një ditë më parë, ku kishte disa dëme.