Tërmete me epiqendër në Greqi, ndjehen edhe në Shqipëri

Sipas Entit Sizmologjik Amerikan, tërmeti i orës 02:40 ishte me fuqi 5 ballë me epiqendër Rodotopion në Greqi, ndërsa menjëherë pas tij, në orën 2:48 është ndjerë një tjetër tërmet me fuqi 4.9 ballë

Mbrëmë vonë dhe në orët e para të ditës së sotme në Shqipërinë e jugut janë shënuar disa dridhje toke. Në vetëm disa orë është shënuar tërmeti i gjashtë në zonën kufiare të Greqisë me Shqipërinë, tërmete këto që janë ndjerë edhe në Tiranë.

Sipas Entit Sizmologjik Amerikan, tërmeti i orës 02:40 ishte me fuqi 5 ballë me epiqendër Rodotopion në Greqi, ndërsa menjëherë pas tij, në orën 2:48 është ndjerë një tjetër tërmet me fuqi 4.9 ballë.

Tërmeti i parë me magnitudë 5,3 ballë ka lëkundur Shqipërinë rreth ores 22:14.

I dyti, në orën 11:46 me fuqi 4.3 ballë, i treti në orën 1:06 me fuqi 4.4 ballë, ndërsa tërmeti i katërt në orën 2:09 me fuqi 4.9.

Gjysmë ore më vonë, në 02:40 u ndje tërmet me fuqi 5 ballë ndërsa në 2.48 një tjetër tërmet me fuqi 4.9 ballë.

Nga raportimet e para mësohet se tërmeti është ndjerë shumë në Gjirokastër, por është ndjerë edhe në Tiranë, Korçë dhe më gjerë, ndërkohë në Repelenë raportohet për dy shtëpi të shembura.