Tërmeti i fuqishëm që goditi këtë shtet evropian

Një tërmet 5.1 Rihter ka ndodhur në orën 21:58 të së enjtes, në pjesën jugore të prefekturës së Heraklionit, në Greqi. Epiqendra është 7 km në jug-jugperëndim të Moiras të Heraklion. Thellësia fokale është 8.9 kilometra.

Qendra Sizmologjike Euro-Mesdhetare vlerëson magnitudën e lëkundjes në 5 gradë dhe thellësinë fokale në 10 kilometra. Mbrëmjen e së mërkurës, në të njëjtën zonë ka ndodhur një tërmet me magnitudë 4.2 ballë, transmeton euronews, përcjell albinfo.ch.

Në një prononcim për protothema.gr, presidenti i OASP, profesor Efthymios Lekkas, theksoi se është ende herët për të thënë nëse është tërmeti kryesor, ndërsa shtoi se do të ketë patjetër pasgoditje. Ai tha se është një tërmet i përmasave mesatare.

Lëkundjet janë ndier në një pjesë të madhe të Kretës. Mediet lokale raportojnë se banorët në Tymbak dhe Moires kanë dalë në rrugë.