Tërmeti në Rumani shkakton lëkundje toke edhe në Kosovë

"Në Kosovë nuk kishte tërmet. Tërmeti ka goditur në Rumani, por për shkak të fuqisë dhe energjisë se liruar dhe përhapjes nëpër mjet valëve sizmike kap distancë deri 500km”

Një tërmet që është regjistruar sot në vende të ndryshme të Evropës Juglindore, sipas EMSC-së, epiqendrën e ka pasur në Rumani dhe ka qenë 5.8 shkallë të Rihterit.

Sipas EMSC-së lëkundjet e këtij tërmeti janë ndier edhe në disa vende tjera të rajonit, shkruan rtklive.com. Kështu, sot rreth orës 14:20 janë ndier lëkundje të tokës edhe në Kosovë.

Tërmetin e kanë ndier edhe qytetarë të ndryshëm, në Kosovë, të cilët kanë shkruar rreth kësaj edhe në rrjete sociale.

Pas dridhjeve të tokës ka reaguar  Shemsi Mustafa nga Rrjeti Sizmologjik i Kosovës.

“Ju lutemi. Mos të krijohet panik tek qytetarët, me tituj me të dhëna jo të sakta. Në Kosovë nuk kishte tërmet. Tërmeti ka goditur në Rumani, por për shkak të fuqisë dhe energjisë se liruar dhe përhapjes nëpër mjet valëve sizmike kap distancë deri 500km”, ka shkruar ai në Facebook.

---