Testohen për shërbim vullnetar në Kosovë

Ndër ushtrimet e testit është ecja e shpejtë në 3000 metra me bagazhin e rëndë 14 kilogramë dhe me armët në shpinë. Më të mirët e bëjnë këtë për më pak se 16 minuta

Mbi 40 rezervistë nga e gjithë Gjermania kanë aplikuar për tu pranuar në misionin e Kfor-it gjerman në Kosovë. Ata që pranohen do të shërbejnë vullnetarisht në Kosovë nga tetori i këtij viti deri në janar të vitit 2014. Aplikuesit është dashur të tregojnë aftësitë e tyre në ndihmën e parë, marshim malor me ngarkesë dhe armë, check-point,  qitje etj.

“Provimi është i vështirë por na sjell kënaqësi të madhe, thotë Johannes Diegelmann, toger rezervist, i cili nuk ka frikë nga kontakti me trupat aktive. Rezultatet e “Kosovo casting” siç e kane quajtur këtë provim, do të prezantohen në fund të javës, thotë oficeri i ngarkuar për medie, Marian Sauer.

Shefi  i tij, komandant batalioni Werner Vosseler thotë se në bazë të vlerësimit objektiv të rezultateve të treguara, do të zgjidhen kandidatët për shërbim në njësitin malor të Kfor-it gjerman në Prizren. “Mua personalisht më ka impresionuar motivimi që kanë treguar kandidatët”, përfundon ai.

Njësoj mendon edhe majori Florian Lösl. “Këta ushtarë, me rezultatet e treguara mund të jenë me të drejtë krenarë”, thotë ai.

Njëri ndër ushtrimet që duhet ta përballojnë kandidatët është ecja e shpejtë në distancën 3000 metra me bagazhin e rëndë 14 kilogramë dhe me armët në shpinë. Më të mirët e kryejnë këtë ushtrim për më pak se 16 minuta, shkruan merkur.de.

Pjesë thelbësore e këtij testimi të llojit të veçantë ka qenë edhe trajnimi në të ashtuquajturin “Check-Point”. Secili gabim në këtë pikë (në jetën reale) mund t`i kushtonte kandidatit me jetë. “Ndonëse në parim gjendja në Kosovë është e qetë, kjo und të ndryshojë”, thotë kapiteni Sauer.

Se sa nga rezervistë do të bëhen pjesë e kampit të sigurimit të përbërë prej 40 vetash të batalionit 233, do të tregojë vlerësimi i bërë nga juria. Shumë sish sigurisht nuk do të kenë. Sepse, sipas Sauer, “vetëm disa rezervistë të veçantë do të zëvendësojnë ushtarët aktivë”: