Testohet për herë të parë mbi qiellin e Kosovës droni Bayraktar

Foto ilustrim (Jared Brashier)

Për herë të parë në histori, sot mbi qiellin e Kosovës kanë fluturuar fluturaket e armatosura që janë në pronësi të shtetit të Kosovës, përcjell albinfo.ch.

Që nga arritja në Kosovë në korrik të këtij viti, sot për herë të parë mbi Gjakovë ka fluturuar droni Bayraktar.

Pamjet i ka postuar qytetari Ngadhnjim Haxhosaj në profilin e tij në Facebook.

Dronët në fjalë janë prodhim i Turqisë dhe të njëjtët janë dëshmuar shumë efikas në luftën e Ukrainës dhe luftën Azerbaixhan-Armeni.

Kujtojmë që nga viti 1999, kur ka përfunduar lufta, hapësirën ajrore të Kosovës e kontrollon NATO.

Dronët Bayraktar, TB2, hyjnë në mesin e armëve që kanë qëndrueshmëri të gjatë në lartësi të mesme (MALE), me rekord fluturimi deri në 27 orë e 3 minuta dhe përveç sulmeve të armatosura, kanë për funksione kryesore misionet e inteligjencës, vëzhgimin dhe zbulimin.

https://www.facebook.com/100010357085437/videos/293883210176203/