Themelohet Asociacioni i komunave shqiptare në Luginë

Deklaratën e miratua në mënyrë unanime, 43 këshilltarët komunalë nga të tri komunat shqiptare, përjashtuar këtu këshilltarët e PVD-së, partisë së Riza Halmit

Këshilltarët shqiptarë të tri komunave të mbetura në Serbi, Preshevës, Medvegjës dhe Bujanocit, kanë miratuar Deklaratën për themelimin e Asociacionit të Komunave me shumicë shqiptare në Serb. Ky asociacion ngeh paralele me asociacionin e Komunave serbe në Kosovës dhe vjen si masë reciprociteti.

Deklaratën e miratua në mënyrë unanime, 43 këshilltarët komunalë nga të tri komunat shqiptare, përjashtuar këtu këshilltarët e PVD-së, partisë së Riza Halmit, deputetit shqiptar në Parlamentin e Serbisë.

Kryetari i Preshevës, Ragmi Mustafa këtë vendim e konsideroi historik për shqiptarët në Luginë, ndërsa pranoi se tri komunat shqiptare vazhdimisht janë nën trysninë e deklaratave kërcënuese të qeverisë së Serbisë.

Kryetari i Këshillit Nacional Shqiptarë, Jonuz Musliu i cili gjatë vitit 2002-2001 udhëhoqi politikisht grupin gueril UÇPMB, tha se rrugë tjetër nuk ka pos realizimit të të drejtave të shqiptarëve të Luginës. Sipas tij. Serbia gjithmonë ka qenë e interesuar për spastrim etnik dhe marrjen e tokave shqiptare.

Musliu theksoi se shqiptarët janë të vendosur që të realizojnë vullnetin e tyre dhe asgjë më shumë.

Asociacioni i Komunave shqiptare në Serbi ka ardhur si masë reciprociteti me asociacionin e komunave me shumicë serbe në Kosovë. Përfaqësuesit nga Lugina kanë thënë se Asociacioni i Luginës ka marrë mbështetje edhe nga Prishtina dhe nga Tirana zyrtare.

Megjithatë lidershipi në Beograd nuk e ka pritur mirë këtë vendim të këshilltarëve shqiptarë. Sipas tyre, nuk shkojnë paralelisht dy çështjet, ajo e serbëve në veri dhe e shqiptarëve në Luginën e Preshevë. Madje derisa ministri i jashtëm serb, Ivica Daçiq përmend edhe përdorimin e focës në Luginë, kryeministri Aleksander Vuçiq thotë se “duhet vepruar me mençuri”.