Thyejnë lokalin, vjedhin 10 euro

Dy hajnat janë zënë nga Policia e Kosovës dhe janë dërguar tek gjykatësi i Procedurës Paraprake, i cili i ka dërguar në paraburgim

Dy hajnave nuk iu ka ecur plani siç duhet. Ata kanë thyer me forcë një lokal afarist në Rajonin e Mitrovicë, dhe kanë arritur t’i vjedhin vetëm 10 euro. Pas alarmit të dhënë nga pronari, dy hajnat janë zënë nga Policia e Kosovës dhe janë dërguar tek Gjykatësi i Procedurës Paraprake, i cili i ka dërguar në paraburgim.

Ngjarja ka ndodhur mbrëmë në rrugën “Hasan Prishtina” në Mitrovicë, ndërsa njëri prej tyre ishte i kërkuar nga Gjykata.

“Janë arrestuar dy të dyshuar meshkuj shqiptar pasi që kishin hapur me forcë derën e një lokali afarist dhe nga aty kishin vjedhur 10 €. Njëri nga të dyshuarit me vendim të prokurorit dërgohet ne mbajtje, ndërsa i dyshuari tjetër i arrestuar pasi që ishte i kërkuar me urdhëresë të Gjykatës është dërguar në vuajtje të dënimit”, thuhet në raportin e Policisë.

Kohën e fundit Policia e Kosovës ka intensifikuar përpjekjet në luftën kundër hajnave.