Tirana pajiset me autobusët e parë elektrikë

Më 31 janar pritet të mblidhet Këshilli Bashkiak që do të krijojë një linjë të re transporti. Pasi që do të jetë me autobusë elektrikë do të quhet “Linja e Gjelbër

Tirana është pajisur me autobusët e parë elektrikë.

Bashkia e Tiranës ka vendosur që të nxisë një ndryshim të madh edhe në transportin e gjelbër publik. Siç raporton Top-Channel, në Tiranë po shtohen korsitë e biçikletave dhe në mars në Tiranë do të arrijnë 4 mijë biçikleta. E dyta është nxitja e rinovimit të flotave të taksive në taksi elektrike dhe e treta ka të bëjë me transportin urban.

Më 31 janar pritet të mblidhet Këshilli Bashkiak që do të krijojë një linjë të re transporti. Pasi që do të jetë me autobusë elektrikë do të quhet “Linja e Gjelbër”.

Linja e re sipas projektvendimit të paraqitur në Këshill Bashkiak do të përshkrojë itinerarin nga Pallati me Shigjeta – Porcelan – Rruga e Dibrës – Stacioni i Trenit – Sheshi Shqiponja dhe për të mbërritur sërish te Pallati me Shigjeta.