Tirana, sërish me ngjyra

Bashkia Tiranë, përmes Ndërmarrjes së Dekorit, lajmëron të gjithë piktorët, artistët vizualë dhe studentët e arteve figurative të depozitojnë pranë zyrave të kësaj ndërmarrjeje idetë e tyre për pikturimin e fasadave të qytetit

Bashkia e Tiranës ka paralajmëruar se së shpejti do të rinisë projektin për rregullimin e fasadave të pallateve në kryeqytet dhe lyerjen e tyre, projekt ky i nisur që në kohën kur kryetar ishte Edi Rama. Kështu kryeqyteti shqiptar, Tirana, do të bëhet sërish me ngjyra.

Ndërtesat e lyera me ngjyra në atë kohë kishin ngjallur vëmendjen e shumë medieve të huaja, të cilat patën bërë një sërë reportazhesh për mënyrën se si po ndryshonte Tirana.

Për këtë qëllim, Bashkia Tiranë, përmes Ndërmarrjes së Dekorit, lajmëron të gjithë piktorët, artistët vizualë dhe studentët e arteve figurative të depozitojnë pranë zyrave të kësaj ndërmarrjeje idetë e tyre për pikturimin e fasadave të qytetit.

Afati i fundit i dorëzimit të ideve dhe të formularit të aplikimit do të jetë data 28 shkurt 2018.