Tri shpërthime të koordinuara në Prishtinë

Një organizatë që vetën e quan “Të pakënaqurit” ka marrë përgjegjësinë për sulmin e tri veturave zyrtare (3Z) në tri lagje të Prishtinës

Tri shpërthime të sinkronizuara kanë ndodhur të enjten mbrëma në Prishtinë, ndërsa cak i sulmeve kanë qenë automjetet me targa zyrtare të institucioneve të Kosovës. Sipas Policisë të lënduar nuk ka pas, ndërsa sulmin e ka marrë mbi vete një organizatë e quajtur “të pakënaqurit”.

Sipas policisë kosovare, shpërthimet kanë ndodhur pas mesnatës, në tri lagje, në “Ulpiana”, te “Xhamia e Llapit” dhe në “Bregun e Diellit”. Të tria shpërthimet, sipas  Baki Kelanit, zëdhënës i Policisë, kanë ndodhur në të njëjtën kohë.

“Ende nuk dihen detajet por targat janë të gjitha 3Z”, raporton KTV.

“Të pakënaqurit” nëpërmjet postes elektronike i kanë njoftuar mediet se e kanë marrë mbi sipër sulmin ë Prishtinë. Nuk raportohet se çfarë grupi është ky, përveç se shprehin indinjatë, që qeveria e Kosovës po negocion me Serbinë për çështjen e veriut.

“Mbrëmë në ora 11:45 i kemi kall 3 kerre të qeveris. Caku i sulmit nuk kanë qenë kanë ministrat, por Qeveria e Kosovës. Kerret me 3Z janë sulmuar. Mesazhin e sulmit e gjeni ne një parullë te Ministra e Kulturë”, thuhet në komunikatë e shkruar me shumë gabime gjuhësore.

Në muri thanë se është shkruar: “tradhtarët e qeveris po e dhënë veriun. Na jemi kundër dhe t’mllefosun”, shkruan në mur.

Përveç këtyre shpërthimeve në Prishtinë, Policia ka raportuar edhe për një shpërthim tjetër ka ndodhur rreth orës 1 pas mesnate në veri të Mitrovicës. Zëdhënësi i Policisë rajonale Besim Hoti ka thënë se nuk ka të lënduar por vetëm dëme materiale.