Trump humb 4 miliardë dollarë në pak muaj

Keystone (AP Photo/Paul Sancya)

Donald Trump është në javët e fundit të fushatës zgjedhore dhe duket optimist për të qenë sërish President i Shteteve të Bashkuara të Amerikës.

Por, kompania e tij e mediave sociale nuk i ka punët mirë. Madje, gjërat sa vijnë e përkeqësohen. Aksionet e “Trump Media & Technology Group” (DJT) arritën çmimin më të ulët historik që prej nxjerrës së Truth Social në bursë.

Trump Media ka humbur rreth 74% të vlerës së vet që prej 27 marsit, kur aksionet e kompanisë arritën nivelin më të lartë, duke u shitur me 66,22 dollarë, shkruan A2 CNN.

Vetë Trump kishte 114,75 milionë aksione, që më 9 maj vlerësoheshin 6,2 miliardë dollarë. Por tashmë këto aksione vlejnë vetëm 2 miliardë dollarë, zhvlerësim që e nxori ish-presidentin edhe nga lista e “Bloomberg” e 500 njerëzve më të pasur të planetit.

Ky zhvlerësim përforcoi idenë se Truth Social ishte mbivlerësuar që nga ngritja dhe se mbetet një aktor pa peshë në skenën e mediave sociale. “Po të mos ishte Trump, aksionet do të shiteshin me 1 dollarë”, thotë për CNN Matthew Tuttle, CEO i Tuttle Capital Management. “Nëse Trump fiton, kjo kompani mund të ketë edhe ndonjë shans për të mbijetuar. Por nëse ai humb, nuk shosh shumë shpresë”.

Pavarësisht kësaj, kompania arkëtoi 837 milionë dollarë në tremujorin e fundit dhe në gusht nisi transmetimin Truth+, një platformë transmetimi televiziv online i përshtatur për iOS dhe Android.