Trump kërkon shtyrjen e zgjedhjeve

Keystone (AP Photo/Paul Sancya)

Presidenti i Amerikës, Donald Trump, ka kërkuar që zgjedhjet presidenciale të nëntorit në SHBA të shtyhen, për shkak të situatës me pandeminë.

Ai ka propozuar që zgjedhjet të shtyhen derisa njerëzit të kenë mundësi të votojnë në mënyrë të sigurt. Kjo sipas tij, pasi që votimi me postë mund të japë rezultat mashtrues dhe të pasaktë të zgjedhjeve.

Ka shumë pak dëshmi që të mbështesin pretendimet e Trumpit për shtyrjen e votimit në zgjedhjet presidenciale.

SHBA dëshiron të mundësojë votimin me postë në zgjedhjet e nëntorit, për shkak të shpërthimit të pandemisë.

Data e zgjedhjeve të përgjithshme në SHBA është e caktuar nga ligji federal që nga viti 1845.

Do të duhej një ndryshim i ligjit federal për ta lëvizur këtë datë. Kjo i bie që të ligji do të futej në fuqi nga Kongresi dhe të nënshkruhej nga Presidenti, por që mund të sfidohej edhe në Gjykatë, shkruan “Reuters”, përcjell albinfo.ch.