Trump: Ne ua kthyem Grenlandën, por evropianët janë mosmirënjohës

“Pa ne, ju do të flisnit gjermanisht dhe japonisht ndoshta. Ne ia kthyem Grenlandën Danimarkës; sa budallenj u treguam, dhe ata janë mosmirënjohës”, theksoi Trump

Presidenti Donald Trump doli në skenën e Davos mes duartrokitjeve të turmës.

“Mund ta kishim mbajtur atë copë, mund të kishit thënë “po” dhe ne do të ishim mirënjohës. Mund të thoni “jo” dhe ne do ta kujtojmë. Po punojmë që ushtria jonë të jetë sa më e fortë, edhe pse aleatët tanë mund të kenë inflacion”, u shpreh Trump.

“Kam respekt të madh për popullin e Grenlandës dhe Danimarkës, por çdo vend i aleancës duhet të mbrojë territorin e vet dhe asnjë vend nuk është në pozicionin për të mbrojtur Grenlandën siç është SHBA-ja. Ne jemi një fuqi e madhe, e kemi treguar në Luftën e Dytë Botërore, kur Danimarka s’mund të mbronte dot veten dhe Grenlandën; SHBA dërgoi forcat e saj në territorin e Grenlandës dhe ata nuk patën më shans që ta merrnin. Danimarka e di këtë.

Ne kemi ngritur baza, kemi luftuar për Danimarkën, për ta shpëtuar atë vend. Një vend, një copë e madhe akulli, por ne e shpëtuam. Nuk lejuam armiq në hemisferën tonë dhe pas luftës, të cilën e fituam.

Pa ne, ju do të flisnit gjermanisht dhe japonisht ndoshta. Ne ia kthyem Grenlandën Danimarkës; sa budallenj u treguam, dhe ata janë mosmirënjohës”, theksoi Trump.

 

---