Trumpi i pakënaqur me propozimin e Iranit për t’i dhënë fund luftës

SHBA këmbëngul që çështja bërthamore të trajtohet që në fillim të negociatave

Presidenti i Shteteve të Bashkuara, Donald Trump, është shprehur i pakënaqur me propozimin e fundit të Iranit për zgjidhjen e konfliktit dymujor, sipas një zyrtari amerikan, përcjell albinfo.ch.

Propozimi i Teheranit parashikon që diskutimet për programin bërthamor të shtyhen deri pas përfundimit të luftës dhe zgjidhjes së mosmarrëveshjeve mbi transportin detar në Gjirin Persik. Megjithatë, Shtetet e Bashkuara nuk pritet ta pranojnë këtë qasje, duke këmbëngulur që çështja bërthamore duhet të jetë pjesë e negociatave që në fillim.

Sipas zyrtarit amerikan, Trump ka shprehur pakënaqësi pikërisht për këtë arsye.

Zëdhënësja e Shtëpisë së Bardhë, Olivia Wales, deklaroi se SHBA nuk zhvillon negociata përmes mediave dhe se vijat e kuqe të Uashingtonit janë bërë tashmë të qarta.

Marrëveshja bërthamore e vitit 2015, e nënshkruar mes Iranit dhe disa fuqive botërore, kishte kufizuar programin bërthamor të Iranit, të cilin Teherani e ka cilësuar gjithmonë si paqësor. Megjithatë, ajo marrëveshje u rrëzua pasi SHBA u tërhoq gjatë administratës Trump./Albinfo.ch

---