Turizmi po rritet edhe në Berat

Në Shqipëri po rritet turizmi dhe nga kjo kanë përfituar edhe qytetet që nuk janë bregdetare. Njëra ndër to është Berati.

Berati ofron turizëm në çdo dit të vitit, por periudha nga muaji prill deri në muajin tetor sjell më shumë turistë për shkak të sezonit veror.

Turistët përveç që shkojnë në bregdet ata shkojnë edhe në qytetin muze. Qyteti 2400 vjeçar i vjetër e meriton një vizitë, kurse është pjesë e UNESCO-s, raporton “Ora News”.

Zyrtarët e turizmit thonë se vitin e kaluar afër 60 mijë turistë e kanë vizituar, kurse në tremujorin e dytë të vitit 2017, deri më tani e kanë vizituar 9327 turistë, që tregon rritjen e turizmit në këtë qytet, përcjell albinfo.ch.

Kalaja, xhamitë, kishat janë ndër më të vizituarat, por së fundi edhe atraksioni që ofron sporti i rafting në kanionet e Osumit dhe Parku Kombëtar në malin e Tomorrit.