Turqi: Erdogani pritet të rizgjidhet për një mandat tjetër

Turqit kanë votuar në zgjedhjet më të rëndësishme në historinë e tyre moderne, me rezultatet e para që tregojnë se presidenti Rexhep Tajip Erdogan do të mbetet në krye të Turqisë edhe për një mandat.

Sipas të dhënave të para preliminare, një orë pas mbylljes së qendrave të votimit prej rreth 20 për qind të votave të numëruara, Erdogani ka fituar rreth 56 për qind të votave të numëruara. Rivali i tij më i madh opozitar, Kemal Kilicdaroglu, ka marrë vetëm rreth 37 për qind të përkrahjes së votuesve turq. Të dhënat janë bazuar në anketimet e agjencisë turke të lajmeve, Anadollu.