UÇK merr përgjegjësinë për sulmin në Qeveri

Përgjegjësinë për sulmi me granatë ndaj objektit të Qeverisë, tre ditë më parë, sërish e ka marrë përsipër UÇK

Nëpërmjet një komunikatë për medie, Ushtria Çlirimtare Kombëtare (UÇK), ka marrë përgjegjësinë për sulmin që ndodhi të premten më 10 prill rreth orës 21.00 ndaj objektit të Qeverisë së Maqedonisë. Njëjtë sikurse dhe herën e kaluar, këtë rast e mori mbi siër komandant “Kushtrimi”.

Granatë e hedhur më 10 prill u gjet disa metra afër Qeverisë dhe që ishte shkrepur pranë parkut të ekzekutivit. Granata sipas policisë kishte ardhur nga drejtimi i pjesës tjetër të lumit Vardar apo nga ura “Goce Dellçev”, raporton Ina.

Edhe kjo komunikatë e përpiluar me disa rreshta si person përgjegjës ka komandantin me nofkën “Kushtrimi”. Komunikata e fundit e njohur me të njëjtën nofkë doli se kishte kopjuar nënshkrimin e Presidentit të Bankës Evropiane dhe se kjo kishte përbërë një skandal që pushtoi mediat.

Ndryshe, Maqedonia muajve të fundit po përballët me një pasiguri politike. Opozita maqedonase ka dalë kundër kryeministri Nikoll Gruevski, madje ka shpërndarë qindra përgjime, që kjo qeveri u ka bërër subjekteve politike, por edhe njerëzve më me ndikim në Maqedoni.