UNMIK: Kishim qasje të kufizuar në zyrë që nga maji

Pas raportimit për vjedhje në zyrat e UNMIK-ut në veri, Zveçan, Leposaviq dhe Zubin Potok, këta të fundit thonë se qasja në këto zyra ka qenë e kufizuar nga incidentet që ndodhën në muajin maj.

“UNMIK-u ka vizituar zyrat e tij në disa raste për të marrë disa nga pasuritë e tij dhe për të vlerësuar objektet me mbështetjen e KFOR-it dhe në koordinim me autoritetet e Kosovës”, thuhet në përgjigjen për Klankosova.tv.

Misioni i OKB-së në Kosovë shton se u ka shprehur shqetësimin autoriteteve të Kosovës për hyrjen e paautorizuar në objektet e tij dhe ka kujtuar se objektet dhe asetet e Kombeve të Bashkuara janë të pacenueshme dhe qasja në ato objekte duhet të ruhet dhe të garantohet gjatë gjithë kohës.