Urimi i Presidentes Vjosa Osmani për Krishtlindje

Presidentja e Kosovës, Vjosa Osmani, ka uruar qytetarët për festën e Krishtlindjes.

“Krishtlindja është një kohë reflektimi e solidariteti, teksa zemrat dhe shtëpitë janë të mbushura me shpresë e optimizëm. Në këtë ditë kremte, le t`i kujtojmë ata që mund të përballen me sfida dhe t’ua shtrijmë dorën e mirësisë e dhembshurisë. Qoftë kjo festë e mbushur me dashuri, paqe dhe gëzim për secilën familje”, thuhet në urimin e të parës së shtetit të Kosovës.

Nga ora 18:00 te Katedralja “Shën Nënë Tereza”, Ipeshkvia Prizren-Prishtinë do të organizojë pritje solemne të Krishtlindjes.

Po ashtu në të njëjtin vend nga ora 23:30 do të mbahet programi për Krishtlindje, ndërsa, mesha solemne e Krishtlindjeve do të mbahet nga ora 24:00 nën udhëheqjen e Imzot Dodë Gjergji, përcjell albinfo.ch.