Ushtria dhe zjarrfikësit arrin ta vënë nën kontroll zjarrin në Laç

Zjarret janë vënë nën kontroll vetëm rreth orës 4 të mëngjesit, por, përveç panikut te banorët e zonës, të cilëve u rrezikoheshin shtëpitë, zjarri ka shkaktuar dëme në të mbjella, duke dëmtuar dhjetëra rrënjë ullinj

Ilustrim

Ekipet e zjarrfikëseve të ndihmuar nga forca të ushtrisë shqiptare kanë luftuar deri në mëngjes me zjarrin që përfshiu një ditë më parë një pjesë të qytetit të Laçit.

“Top Channel” njofton se zjarret janë vënë nën kontroll vetëm rreth orës 4 të mëngjesit, por, përveç panikut te banorët e zonës, të cilëve u rrezikoheshin shtëpitë, zjarri ka shkaktuar dëme në të mbjella, duke dëmtuar dhjetëra rrënjë ullinj, përcjell albinfo.ch.

“Vatrat e zjarrit kanë shpërthyer njëherësh, çka do të thotë se nuk kanë qenë të rastësishëm”, ka thënë kreu i Emergjencave Civile  Shemsi Premçi.