Ushtria e SHBA-së konfirmon dërgimin e ri të ndihmës ajrore në Gaza

Foto Twitter: @CENTCOM

Përderisa Izraeli e ka bllokuar Organizatën e Kombeve të Bashkuara nga dërgimi i ndihmave në Gazën veriore nëpërmjet kalimeve tokësore thelbësore, Shtetet e Bashkuara të Amerikës kanë konfirmuar një lëshim të ri ajror të ndihmave mbi këtë zonë, në bashkëpunim me forcat ajrore jordaneze, transmeton albinfo.ch.

Komanda Qendrore e Ushtrisë Amerikane (CENTCOM) përmes një postimi në rrjetin social “Twitter”, ka shkruar se përdori një aeroplan mallrash ushtarak C-130 për të hedhur 13 mijë e 080 ekuivalente vaktesh, duke përfshirë oriz, miell, qumësht, makarona dhe ushqime të konservuara.

Sipas njoftimit, fluturimet me ndihma do të vazhdojnë.