Valon Behrami, në lidhje dashurie me yllin zviceran të skitarisë, Lara Gut

Gut: "Me Valonin unë kam përjetuar fuqinë që të jep ndjenja e të qenët së bashku dhe e pasjes pranë vetes të një personi që të mban për dore dhe nuk të lë kurrë vetëm. Valoni është gjëja më e mirë që mund të më ndodhte“

I ndarë vetëm një muaj më parë nga gruaja dhe dashuria e tij rinore, Elena, nëna e dy fëmijëve të tij, Valon Behrami është lidhur me yllin e skitarisë zvicerane, Lara Gut, shkruan albinfo.ch. Kështu bën të ditur sot portali blick.ch duke iu referuar dëshmisë së shkruar në facebook nga vet skitarja.

„Me Valonin unë kam përjetuar fuqinë që të jep ndjenja e të qenët së bashku dhe e pasjes pranë vetes të një personi që të mban për dore dhe nuk të lë kurrë vetëm. Valoni është gjëja më e mirë që mund të më ndodhte“.

Ky postim është më shumë se domethënës dhe shpjegon, sipas blick.ch edhe spekulimet e bëra pak kohë më parë, se Lara Gut ishte në një lidhje të re.

Atëbotë, fjala është për kohën sa zhvillohej olompiada dimëore në Korenë Jugore, spekulohej për këngëtarin e njohur Bastian Baker, transmeton albinfo.ch. Por ylli i skitarisë, Lara Gut, e njohur edhe për pamjen e saj tërheqëse, pati përgënjeshtruar lajmin. Ajo kishte thënë se qëndronte fakti se ndodhej në një lidhje të re por nuk bëhej fjalë për këngëtarin.

Me italianen Elena, Valon Behrami ka dy vajza të përbashkëta.